Зәй үзәк китапханәсендә Россия әләме көне уңаеннан чара узды

Балалар Россия флагы барлыкка килү турында кызыклы фактларны белделәр, уеннарда һәм конкурсларда актив катнаштылар, «Россия флагы тарихы» викторинасы сорауларына җавап биреп, ил тарихы турында белемнәрен күрсәттеләр. 

-“Иҗат” конкурсы аеруча мавыктыргыч булды: 5 минут эчендә катнашучылар тәкъдим ителгән рифмалардан файдаланып, Дәүләт флагы турында шигырь язарга тиеш булдылар. Бу биремне егетләр бик яхшы үтәделәр, - ди китапханәче Зөлфия Гыйльманова.
 

   Чарада катнашучылар өчен «Батырлык һәм халык горурлыгы символы» дигән китап күргәзмәсе оештырылды. Анда Россия тарихы, Дәүләт флагы һәм илебез символикасы турында тулырак мәгълүмат табарга мөмкин булган китаплар һәм брошюралар тәкъдим ителде.

 Чара «Матушка земля» җыры белән тәмамланды.  

Фотолар китапханәдән.