Зәй үзәк китапханәсе сукырлар клубы әгъзаларын бәйрәм белән котлады
Үзәк китапханә хезмәткәрләре “Мәхәббәт, яз һәм матурлык” дип аталган әдәби-музыкаль кичә үткәрде.
Бәйрәм чарасында “Надежда” клубы һәм Бөтенроссия сукырлар җәмгыятенең җирле оешмасы әгъзалары катнашты.
Яз ае – хатын-кызлар матурлыгы символы булып санала. Чөнки бу айда гүзәл затларыбыз бәйрәме – Халыкара хатын-кызлар көне билгеләп үтелә. Китапханәгә чакырылган хатын-кызлар өчен котлау сүзләре яңгырады. Аларга багышлап җырлар башкарылды, танылган шагыйрьләр иҗат иткән мәхәббәт турындагы шигырьләр яңгырады.
-Кунаклар бик теләп төрле бәйгеләрдә һәм викториналарда катнаштылар. Бәйрәм тамашасы чәй өстәле артында дәвам итте,- ди китапханәче Галина Лаврентьева.
Бәйрәм ахырында кунаклар өчен фотосессия оештырылды.
Фотолар үзәк китапханәдән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев