Зәй телевидениесеннән Эльмира Шабрина фестиваль җиңүчесе

Анда безнең хезмәттәшләребез "Зәй-ТВ" иҗат коллективы да катнашты.

Фестивальдә оештырылган мастер-класслар  «Камский Артек» балалар үзәге мәйданчыгында бөтен Татарстаннан телевидение журналистикасы профессионалларын җыйды. Иҗади эшнең беренче  көне мобиль журналистика турында мастер-класс белән ачылды. «Татмедиа» департаментының социаль медиа бүлеге баш белгече, «Снег Медиа» проекты авторы Равил Мукменов үз тәҗрибәсе белән уртаклашты. Һәм башка спикерлар тарафыннан да кызыклы чыгышлар ясалды.

Ә икенче көндә кич белән фестивальгә йомгак ясалды. Анда телевидение журналистлары, видеооператорлар, режиссёрлар арасында төрле номинацияләрдә җиңүчеләр ачыкланды, тантаналы тәбрикләү чарасы үтте.

Безнең өчен иң куанычлысы анда "Зәй - информ" ның телевидение буенча җитәкчесе урынбасары Эльмира Шабрина ике номинациядә призер булды.

Ул "Репортаж" номинациясендә II дәрәҗә, "Алып баручы" номинациясендә III дәрәҗә дипломнар белән бүләкләнде.