Зәй станциясендә фаҗига: поезд ир-атны бәрдергән

Башлангыч мәгълүматлар буенча, фаҗига Яр Чаллы — Бөгелмә маршруты буенча баручы электропоезд белән килеп чыккан. Алган җәрәхәтләрдән зыян күрүче урында ук үлгән.

Әлегә һәлак булган кешенең кемлеге ачыкланмаган. Транспорт полициясе хезмәткәрләре вакыйганың барлык нечкәлекләрен ачыклый.

Редакция искәртә: тимер юллар — куркыныч зона. Зинһар, куркынычсызлык кагыйдәләрен үтәгез һәм кирәксезгә юллар янына якын килмәгез.