Зәй рәссамы балалар өчен шарж ясау буенча мастер-класс күрсәтте
Укучыларның язгы каникулларында һәм Көлке көне алдыннан туган як тарихын өйрәнү музеенда зәйлеләр өчен «Күңелле шарж» мастер-классы оештырылды.
Мастер-классны танылган рәссам-скульптор Фазыл Шиапов үткәрде, ул балаларга шаржларны ничек ясарга кирәклеген күрсәтте.
«Беләсезме, шарж кайчан уңышлы килеп чыга? Җитди йөзле кеше үзенең портретын күргәч кычкырып көлә башлый. Үзенең көлүе белән ул тирә-юньдәгеләргә дә яхшы кәеф бүләк итә», — ди рәссам.
«Чараның иң истә калган мизгеле Фазыл Шиаповның балаларның кызыклы „портретларын“ ясый башлавы булды. Сурәтләрдә балалар төрле — елмаеп торучан, толым һәм бантик белән җитди килеп чыктылар. Һичшиксез, барлык эшләр дә чын күңелдән елмаю уятты. Шаржда рәссам үз автографын калдырды. Мастер-класста катнашучылар яхшы кәеф алды», — ди музейның фәнни хезмәткәре Юлия Бутакова.
Фотолар музейдан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев