Зәй районы халкына Дәүләт төркемнәренең мөһимлеге турында сөйләделәр

ВКонтакте һәм Одноклассники социаль челтәрләрендә булдырылган битләр хакимият органнарының ачыклыгын арттыра, шулай ук дәүләт оешмалары турында аңлаешлы, төгәл, тулы мәгълүмат бирә. Татарстан Дәүләт пабликлары саны буенча Россиядә лидер булып тора. Һәр төбәк, шул исәптән Татарстан Республикасы өчен органнар һәм оешмалар исемлеге Росстат мәгълүматлары нигезендә билгеләнде.

Зәй районы халкы «ВКонтакте» дәүләт төркемнәреннән актуаль мәгълүмат таба һәм элемтәгә керә ала. Аларның иң актуале — безнең муниципаль район башкарма комитеты төркеме.

Әминә Биккинина, Зәй муниципаль районы Советының иҗтимагый оешмалар, массакүләм мәгълүмат чаралары һәм милләтара мөнәсәбәтләр белән эшләү бүлеге башлыгы дәүләт төркемнәренең өстенлекләре турында сөйләде һәм шулай дип белдерде:

— Дәүләт аудиториясе республика халкы өчен ышанычлы мәгълүмат алуның мөһим каналы булып тора, анда үз шәһәрең һәм районыңның актуаль яңалыкларын белергә, социаль әһәмиятле темаларга файдалы материаллар табарга мөмкин. Шулай ук госпабликлар аша халык үзләрен борчыган сорауларны бирә ала, мәсәлән, идарәче компания эшенә зарлана яки балалар бакчасына ничек ничек чиратка басарга һәм башкаларны белә ала. Бүгенге көндә районда 120гә якын төркем эшли, безнең бурыч — халыкның барлык катламы оператив рәвештә кирәкле мәгълүмат ала алсын өчен аларның эшен активлаштыру.

Төркемнәр мөрәҗәгатьләрне кабул итү, халыкны борчыган сорауларга кыска вакыт эчендә җавап бирү функциясен үти. Шулай ук дәүләт төркемнәрендә авыл һәм район тормышы вакыйгалары һәм чаралары турында актуаль мәгълүматны табарга мөмкин.