Югары Пәнәчедә «Зәй офыклары»н яратып укыйлар

Зилә Шараева авыллар тарихы, күренекле шәхесләр турында булган мәкаләләрне „Зәй офыклары“ битләреннән үз дәфтәренә язып ала. Ул тирә-як авыллар белән дә кызыксына. Калын папка башлап, кирәкле мәгълүматларны теркәп куя. Мәдәният йорты һәм китапханәнең даими кунагы ул Зилә.

Илүсә апа Кәримова — хөрмәткә лаек ветеран укытучыбыз. Мәдәният йортыбызның эшен күзәтеп, бәя биреп бара. Газета-журналлар белән танышып, кроссвордларны чишәргә ярата.

— „Зәй офыклары“ газетасында авылыбыз кешеләре турындагы мәкаләләрне көтеп алып, яратып укыйбыз. Авылыбызда мактауга лаек кешеләр яши, — ди Илүсә апа.

Саулыкта, дөньядан ямь табып, бәрәкәттә яшәгез, авылдашлар.

Илһамия Гарифуллина, мәдәният йортының сәнгать җитәкчесе.

Автор фотосы.