Зәй музенда гүзәл затлар котлаулар алды

Бу үзенчәлекле көнне музейга махсус хәрби операциядә катнашучыларның әниләре чакырылган иде. Алар үзләренә адресланган җылы һәм ихлас котлауларны кабул итте. 

Кадерле кунаклар арасында шулай ук «Макраме» клубы волонтерлары, «Ватанны саклаучылар» дәүләт фонды  филиалының социаль координаторы Наталья Зиннурова, «Сугышчан бердәмлек» активистлары һәм битараф булмаган Зәй халкы да бар иде. Гүзәл ханымнар өчен уникаль интерактив программа – «Зәй – Адлер»  маршруты буенча чын “Хыял поездында сәяхәт " оештырылды. Әлеге тылсымлы экспрессның җитәкчесе музей директоры Резеда  Юнысова булды.  Юлның "Тихорецкая" станциясе күңелле сюрприз – танылган Россия опера җырчысы Владимир Васильев белән «телекүпер» белән истә калды. Аның тирән эчтәлекле котлавы һәм чын күңелдән башкарылган «Рәхмәт сиңа» җыры күңелдән күңелгә үтеп керерлек мизгел булды. Сәяхәтнең уртасында  “Мужская забота" махсус составы да  кушылды. Юрий Павлов һәм Сергей Ентальцев хатын-кызларны чын күңелдән котладылар, бәйрәмгә аерым җылылык өстәделәр. Сәяхәт күңел ачу һәм иҗат аккомпанементы астында дәвам итте. Соңгы станция Адлерда, кунаклар өчен “вагон-ресторан” ишеген ачты. Хуш исле үлән  чәй эчеп алгач, өстәл конкурслары дәвам итте. Очрашу азагында гүзәл ханымнарга бүләкләр тапшырылды.

фотолар музейдан.