Зәй муниципаль районы 2023-2024 елгы җылыту сезонына әзерлек паспортын алды

Көзге-кышкы чорда җылыту сезонына әзерлек паспорты ГРЭС һәм «Теплосервис» ҖЧШенә бирелде. Бу документ станциянең кыш айларына туры килгән максималь йөкләнешләр чорында кулланучыларны ышанычлы һәм сыйфатлы энергия белән тәэмин итүгә әзер булуын күрсәтә.

Ростехнадзор вәкилләре һәм башка белгечләр катнашында махсус комиссия җылылык белән тәэмин итүче һәм җылылык челтәре оешмаларының кышка әзерлеген тикшерде. Техник җиһазларның торышы, ягулык запасларының булуы, предприятие персоналын әзерләү бәяләнде.