Зәйдә мәктәпкәчә яшьтәге балаларга янгын вакытында үзеңне ничек тотарга кирәклеге турында сөйләделәр
Янгыннарны кисәтү һәм үсеп килүче буынны тормыш куркынычсызлыгы нигезләренә өйрәтү кысаларында кинотеатрда «Кояшкай» һәм «Якты коңгыз» балалар бакчаларында тәрбияләнүчеләр өчен чара узды.
Балалар алдында Зәй янгын күзәтчелеге бүлегенең өлкән сорау алучысы Лилия Писарева, Бөтенроссия ирекле янгын сүндерү җәмгыятенең Зәй участогы башлыгы Любовь Асташина һәм 88нче янгын сүндерү-коткару часте хезмәткәре чыгыш ясады.
Балалар белән әңгәмә җанлы һәм аңлаешлы формада узды. Белгечләр мәктәпкәчә яшьтәге балалар белән җитди темалар буенча фикер алыштылар: "Нәрсә ул янгын?", "Ут - дусмы яки дошманмы?» һәм башкалар. Балаларга янгынның ачык ялкын белән генә түгел, ә әче төтен, агулы газлар һәм югары температура белән дә куркынычлы булуын аңлаешлы итеп аңлаттылар.
Балалар белән инспекторлар янгын чыгуның төп сәбәпләрен тикшерделәр, гамәлдәге куркынычсызлык кагыйдәләрен кабатладылар.
Әмма очрашуның иң истә калган өлеше янгын сүндерү җайланмаларын күрсәтү булды. Балаларга янгын сүндерүчеләрнең көндәлек тормышы турында сөйләп кенә калмадылар, ә үзләрен коткаручы ролендә дә сынап карарга мөмкинлек бирделәр.
"Мондый дәресләр бик мөһим. Алар балаларда кечкенәдән үк үз-үзеңне куркынычсыз тоту культурасын формалаштыралар. Ә теория практика белән ныгытылгач, белемнәр күпкә яхшырак үзләштерелә", - ди Любовь Асташина.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев