Зәй кызы Ләйсән “Мисс Европа-2026” конкурсында Казахстанны тәкъдим итәчәк

Быел йөз еллык юбилеен билгеләп үтүче “Мисс Европа” бәйгесе Ливан башкаласы Бейрутта нейтраль территориядә уза. Инде бүген үк бирегә абруйлы титулга көрәшү өчен Европаның иң чибәр кызлары килә.

Казаннан Дөнья подиумында Татарстанның берьюлы өч вәкиле катнаша.

Роза Гадиева – “Европа гүзәле-2024” конкурсында җиңгән беренче татар кызы, ул бәйгегә жюри әгъзасы итеп чакырылды. Ул сәхнәне  инглиз телендә «Королева» дигән яңа җыры белән ачачак, аны инде халыкара матурлык конкурсларының гимны дип атыйлар.

Светлана Ганиева Татарстанны тәкъдим итәчәк. Колоритлы татар тышкы кыяфәте һәм үзенчәлекле стиле белән ул республиканың мәдәни мирасының җанлы гәүдәләнеше булачак.

Казахстан өчен чыгыш ясаучы Зәй кызы Ләйсән Шаһиева аеруча игътибарны җәлеп итә.

Ләйсән билгеләп үткәнчә, аның миссиясе — Алтын Урда һәм Бөек Ефәк юлы чорына барып тоташкан ике халыкның тарихи һәм мәдәни бәйләнешләрен ассызыклау.

«Безнең халыклар гасырлар буе төрки дөньяда күршеләр булды. Бу бәйләнешләр – безнең уртак байлыгыбыз. Минем туганнарым һәм дусларым Казахстаннан җылы теләкләрен юллыйлар», – ди Ләйсән.

Бейруттагы вакыйга күп гасырлык мәдәни диалог, халыклар дуслыгы һәм уртак тарихка барып тоташкан матурлык турында якты истәлек булачак.

Фотоларны Ләйсән Шаһиева тәкъдим итте.