Зәй колледжында Халыкара хайваннарны яклау көне уңаеннан акция узды

Халыкара хайваннарны яклау  көне кешеләр игътибарын хайваннар проблемасына юнәлтергә чакыра. Ел саен 4 октябрьдә билгеләп үтелә.

Колледж коллективы махсус контейнерларда приют хайваннары өчен коры һәм дымлы азык, чүпрәкләр, җылы пледлар, уенчыклар, мискилар һәм башка әйберләр тапшырды. Бу хайваннарны тәрбияләү шартларын сизелерлек яхшыртачак һәм финанслау чикләнгән чорда аларны тукландыруны тәэмин итәчәк.

“Акция студентларның һәм колледж хезмәткәрләренең йортсыз хайваннар проблемалары турында хәбәрдарлыгын арттыра, җаваплы мөнәсәбәт формалаштыра һәм иреклелек күнекмәләрен үстерә. Җылы пледлар һәм уенчыклар хайваннарның уңайлылыгы өчен генә түгел, ә аларның социаль җайлашуы өчен дә мөһим: уеннар һәм уңайлылык стрессны киметә.«Бәладә калдырмыйбыз» акциясендә катнашучыларның барысына да актив гражданлык позицияләре өчен рәхмәт”, - ди чараны оештыручылар.

Фотолар көллияттән.