Зәй китапханәсендә әтиләр көненә багышланган чара үтте

Шул уңайдан бүген Зәйнең Сөббух Рәфыйков исемендәге үзәк китапханәсендә  гаилә кыйммәтләре белән сугарылган, җылы атмосфералы чара үтте.
 

Әтиләр көненә багышланган « Отцовство, дар и долг» әдәби-танып белү сәгате 2 нче мәктәпнең IX  сыйныф укучылары катнашында узды. Программаның төп кунагы  күп балалы әти иде, ул укучыларга тормыш мисаллары белән ныгытылган тормыш зирәклеге турында сөйләде.

“Ул ата булуның авырлыклары һәм шатлыклары турында шундый ихлас күңелдән һәм юмор белән сөйләде ки, балалар тыннарын кысып тыңладылар. Аның һәр киңәше йөрәк аша үткәрелгәнлеге сизелә иде”, - ди китапханәче Эльза Әхмәтшина.

Аннары конкурслар үтте. Балалар рәхәтләнеп ярыштылар, бер-берсенә ярдәм иттеләр һәм, иң мөһиме, бердәмлеккә өйрәнделәр.