Зәй китапханәсендә — арт-экскурсия
12 декабрь көнне Зәйнең Сөббух Рәфыйков исемендәге үзәк китапханәсендә «Шатлык» тернәкләндерү үзәгендә саулыкларын ныгытучылар өчен «Китапханә буйлап » дип исемләнгән арт-экскурсия оештырылды.
Үзәк китапханә хәзер үзенчәлекле эшләр күргәзмәләренә аеруча бай. Биредә Яңа елга әзерлек актив алып барыла: кызыклы яңа ел күргәзмәләре, фотозоналар, оригиналь китап чыршылары бизәлә.
Китапханәдә Зәй осталарының экспозицияләре күп: Людмила Захарова ясаган кашпо һәм ротанг кәрзиннәр күргәзмәсе, Ләйсән Гайсинаның сабыннан ясалган чәчәк композицияләре шундыйлардан.
Экскурсиягә килүчеләр «Исәнме, сәнгать!» баш астындагы, рәссам Елена Курносованың иҗат остаханәсе мастер-классларында катнашучылар эшләренә дә сокландылар. Шулай ук Зәй сәнгать мәктәбендә тәрбияләнүчеләрнең картиналар күргәзмәсе дә тирән хисләр уятты. Үз карамагындагыларның эшләре турында балалар мәктәбе директоры Эльмира Вдовина сөйләде.
«Арт-экскурсия кунакларга бик ошады», — ди китапханәче Зөлфия Гыйльманова.
Следите за самым важным и интересным в Telegram-каналеТатмедиа
Нет комментариев