Зәй яшьләре шәһәр матурлыгы, төзеклегенә өлеш кертә

Быел яшьләр эшләре идарәсе аша   эшкә урнашкан яшелләндерүчеләр командасы һәм “Игелекле Зәй” үзәге активистлары шәһәрне уңайлы һәм матур итүгә аеруча җитди өлеш кертәләр. 

Балалар һәйкәлләрне һәм мемориаль комплексларны чистарталар һәм юалар, Зәйдәге истәлекле урыннарның лаеклы йөзен саклыйлар.

Шәһәр халкының массакүләм ял итү зоналарына аерым игътибар бирелә. Су коену сезоны башлану белән яшелләндерүчеләр бригадасы һәм волонтерлар шәһәр пляжы территориясен махсус контрольгә алды. Зәйлеләрнең ялы уңайлы һәм куркынычсыз булсын өчен, биредә вак чүп-чар җыю, яр буйларын һәм ком зоналарын чистарту эшләре алып барыла.

Яшьләрнең «Чиста яр» бөтенроссия акциясендә катнашуы да зур әһәмияткә ия. Волонтерлар һәм хезмәт отрядлары җирле сулык ярларын пластиктан, пыяладан һәм көнкүреш калдыкларыннан планлы рәвештә чистарталар. Оештыручылар әйтүенчә, мондый акцияләр чисталыкны саклау өстенә мөһим тәрбия функциясен дә үти.

фотолар яшьләр эшләре идарәсеннән