Зәй энергетиклары 2024 елга бурычлар билгеләде

Конференция эшендә  район башлыгы Разиф Кәримов, «Татэнерго» АҖ генераль директоры Раузил Хаҗиев, Бөтенроссия электропрофсоюзының Татарстан оешмасы рәисе Хәлим Ахунҗанов катнашты.

ГРЭС директоры Дмитрий Прохоров  чыгышында 2023 елга йомгак ясады, коллектив килешүнең  үтәлеше турында хәбәр итте, махсус хәрби операциядә катнашучыларга һәм аларның гаиләләренә ярдәм чаралары, ветераннарны социаль яклау һәм яшьләр белән эшләүгә тукталды, җитештерү-икътисади күрсәткечләр белән таныштырды.

2023 елны Зәй энергетиклары төп техник-икътисади күрсәткечләр үсеше белән тәмамлады. Предприятиедә 834 кеше хезмәт куя, уртача айлык эш күләме 82979 сум тәшкил итә.

Беренчел профсоюз оешмасы рәисе Андрей Алчин хезмәткәрләрне социаль яклау өлкәсендә профсоюз ягы кабул иткән йөкләмәләрнең үтәлеше турында доклад белән чыгыш ясады, произодствода  җәрәхәтләр алуга юл куймау  төп бурыч булуга басым ясады.

Раузил Хаҗиев конференциядә катнашучыларны 2023 елда җитештерү-хуҗалык эшчәнлеге нәтиҗәләре, «Татэнерго» АҖнең финанс-икътисади күрсәткечләре һәм 2024 елга бурычлар белән таныштырды. Зәй ГРЭСын модернизацияләүгә килгәндә, бүген проект ябык түгел, ә туктатылган гына. Генераль директор шулай ук җәйге ял һәм сәламәтләндерү, энергетикларның торак шартларын яхшырту мәсьәләләренә тукталды.

Район башлыгы конференциядә катнашучыларны районның 2023 елгы социаль-икътисади үсеше нәтиҗәләре һәм 2024 елга планнары белән таныштырды. «Техно» заводында экологик проект уңышлы тормышка ашырыла, заманча чистарту җиһазлары монтажлана, нәтиҗәдә хәзер шәһәрдә һава күпкә чистарак. Шикәр заводы чималны ярым коры килеш кертүгә күчүне планлаштыра, бу фильтрлау кырларына йөкләнешне киметергә мөмкинлек бирә һәм заводтан чыккан исне бетерә. Зәйдә беренче тапкыр коммерцияле торак төзү планлаштырыла. Разиф Галиевич энергетикларга намуслы хезмәтләре һәм район тормышында актив катнашулары өчен рәхмәт белдерде.

Хәлим Ахунҗанов электропрофсоюз тарафыннан бурычларны үтәү буенча алып барылган эш турында хәбәр итте,  2024 елның профсоюзлар тарафыннан хезмәтне саклау елы дип игълан ителүен билгеләп үтте.

Барлык чыгыш ясаучылар да махсус хәрби операциядә катнашучылар һәм аларның гаилә әгъзаларына күрсәтелә торган ярдәмне алга таба да дәвам итү мөһимлеген ассызыкладылар. Делегатлар бертавыштан коллектив килешүдә каралган барлык йөкләмәләрнең 2023 елда тулысынча үтәлүен расладылар. Конференциядә намуслы тырыш хезмәтләре өчен бер төркем хезмәт алдынгылары бүләкләнде.

Су корылмалары, тышкы һәм җир асты коммуникацияләре цехы машинисты Надежда Сарманова, 1нче казан-турбина цехы өлкән машинисты Игорь Ветлугин, 2нче казан-турбина цехы өлкән машинисты Петр Паймухин, җылылык челтәрләрен эксплуатацияләү цехы слесаре Ранис Бәгъдәнуров, технологик процесслар белән автоматлаштырылган идарә итү системалары цехы инженеры Ольга Плешакова беренчел профсоюз оешмасының Мактау грамотасы белән бүләкләнделәр.

2023 елда хезмәтне саклау буенча эшләрне иң яхшы оештыруга смотр-конкурста беренче урынны алган 1нче казан-турбина цехы, икенче урынга чыккан 2нче казан-турбина цехы, өченче урындагы техник хезмәт күрсәтү цехы станциянең Мактау грамоталарына ия булдылар. Шулай ук спартакиадада призлы урыннар алган электр цехы,  идарә, казан-турбина цехына грамотлар тапшырылды.

Конференциядә  муниципаль район башлыгы Разиф Кәримов Татарстан  Профсоюзлар федерациясенең «Социаль партнерлык өчен» күкрәк билгесе белән бүләкләнде.