Зәй егете Казан дәүләт аграр университетында иң яхшы практикант булды

Казан дәүләт аграр университетында ел «Ел студенты» конкурсына йомгак ясалды. «Ел практиканты» номинациясендә Зәй егете, 4нче мәктәпне тәмамлаган, булачак инженер-механизатор һәм «Алга» студентлар отряды командиры Салават Әхмәтҗанов җиңү яулады.

Салават укуын актив иҗтимагый эшчәнлек белән бергә алып бара. Бер елга якын ул Татарстан студентлар отрядлары әгъзасы булып тора. Узган җәйдә егет легендар Минск трактор заводында слесарь-җыючы булып эшләп, һөнәри тәҗрибә туплаган. Отряд составында ул куәтле «Беларус» тракторлары өчен катлаулы узеллар җыюда катнашкан.

– Бу машиналар эшләнә торган цехта хезмәт кую – характерны җитди тикшерү ул. Басуларга чыга торган техниканың сыйфаты синең игътибарлылыгыңа бәйле икәнен аңлыйсың. Завод тәртипкә һәм технологик төгәллеккә өйрәтә, - дип тәэсирләре белән уртаклашты Салават.

Егет отряд белән идарә итү тәҗрибәсе һәм производствода эшләү аңа теория елларына караганда күбрәк биргәнлеген әйтә. Бу җәйдә студент  «ныклыкка тикшерү»не узу өчен кабат Белоруссиягә барырга планлаштыра.

Салават студотрядлар хәрәкәтендә катнашу мине тулысынча үзгәртте, ди. Әгәр моңа кадәр егет тыйнак һәм оялчан булса, командир вазифасы аңа ачылырга ярдәм иткән һәм коллектив белән идарә итәргә өйрәткән. Алган күнекмәләрен ул тормышта бик мөһим дип саный.

Яшьләрне студентлар отрядлары составында эшкә урнаштыру РФ Президенты Владимир Путин инициативасы белән оештырылган «Яшьләр һәм балалар» илкүләм проекты максатларына туры килә.

Фото Салават Әхмәтҗановның шәхси архивыннан.