Зәй балалары белән Пушкин көнен билгеләп үтәләр

Пушкин көне уңаеннан шәһәр-районда төрле чаралар үтә. 5 июньдә «Космос» кинотеатрына 2нче мәктәп яны лагерена йөрүче балалар килде. Алар өчен Пушкинга багышланган чара оештырылды. Балалар язучының барлык әкиятләрен искә төшерергә тырыштылар. Нәтиҗәдә балаларның Пушкинның биш әкиятен яхшы белүләре ачыкланды. Алар — «Алтын әтәч турында әкият», «Поп һәм аның хезмәткәре Балда турында әкият», «Алтын балык турында әкият», «Үлгән патшабикә турында әкият», «Салтан патша турында әкият».

Укучылар Пушкин әкиятләренең аерым сюжетларын искә төшерде, ә күңелле викторинада белемнәрен ныгытты. Әкияттәге җөмләләрнең ничек тәмамлануын искә төшерделәр, тәкъдим ителгән өзекләрне дәвам итеп, шагыйрьнең әсәрләре буенча табышмакларны чиштеләр.