Зәй архив бүлегендә гаилә шәҗәрәсен төзү турында сөйләштеләр

“Чараның максаты - гаилә тарихының бәһасез мирасын киләчәк буыннарга калдыру. Физик мөмкинлекләре чикле булуга  карамастан, күз күреме буенча инвалидлар үз тамырларын өйрәнү өчен архив материалларыннан файдалану белән кызыксындылар һәм аларны киләчәк буын куллана алырлык итеп ясарга тырышачакларын әйттеләр”, - ди архив бүлеге җитәкчесе Елена Куликова.  

Ул шулай ук  кунакларга Зәй шәһәре архивы фондларында саклана торган документлар төрләре һәм шәҗәрә агачын төзүдә ярдәм итә алырлык документлар турында җентекләп сөйләде. 

ЗАГС бүлеге җитәкчесе Гөлфия Вәлишина үз чыгышында ЗАГС фондларының актуальлегенә тукталды  – гражданлык хәле актларын теркәү кенәгәләренә (туу, никах, үлем турында һ.б.) басым ясады. Ул рәсми рәвештә белешмәләр алуга сорауларны ничек дөрес рәсмиләштерергә, нинди документлар кирәк булачагын һәм нинди очракларда теге яки бу мәгълүматны алырга мөмкин булуын аңлатты. 

Катнашучылар үзләренең гаилә риваятьләре белән уртаклаштылар, эзләүне кайдан башларга, теге яки бу кыенлыкларны ничек җиңәргә икәнлеге турында конкрет сораулар бирделәр. Күпләр мондый мөмкинлек өчен рәхмәт белдерделәр. 

Бу чара халыкның барлык катламнарын үз гаилә тарихын өйрәнү һәм саклау процессына максималь җәлеп итүгә юнәлдерелгән очрашулар сериясе башлангычы  булыр дип уйланыла, чөнки шәҗәрә – һәр кешенең һәм бөтен җәмгыятьнең мәдәни кодының һәм үзаңының аерылгысыз өлеше.

Бай эчтәлекле семинар Татарстан Республикасы Архив эше буенча Дәүләт комитеты ярдәмендә 2017 елда махсус әзерләнгән «Минем тарихым»  фильмын күрсәтү белән тәмамланды.

фотолар архив бүлегеннән