Узган атнада районда юл хәрәкәте кагыйдәләрен бозуның 72 очрагы теркәлгән
1-7 декабрьдә район эчке эшләр бүлегенә төрле хокук бозулар турында 81 хәбәр һәм гариза кергән. Теркәлгән җинаятьләр арасында мошенниклык, кыйнау, урлашу очраклары бар.
Бу чорда шәһәр-районда 6 юл-транспорт һәлакәте теркәлгән. Аларда, бәхеткә, сәламәтлекләренә зыян килүчеләр, үлүчеләр юк. Юл хәрәкәте кагыйдәләрен бозуның 72 очрагы теркәлгән.
2 декабрьдә бүлеккә Зәйдә яшәүче бер ир-аттан билгесез кешеләр “Энергетик” ширкәтендәге гаражында йозагын ватып кереп, транспорт чараларыннан ике механик коробка урлаганнар.
“Әлеге җинаятьтә катнашы булучыларны ачыклау буенча оператив эзләү чаралары үткәрелә”, - дип хәбәр итәләр район эчке эшләр бүлегеннән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев