ТР Дәүләт Советы рәисе яшь кандидатлар белән очрашты

Бу көннәрдә ТР Дәүләт Советы Рәисе, “Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин “ПолитСтарт” проекты кысаларында муниципаль районнардан алдан тавыш бирүдә катнашкан яшь кандидатлар белән очрашты.
Республика парламентында узган очрашуда партиянең төбәк бүлеге һәм “Бердәм Россиянең Яшь гвардиясе” җирле штаб вәкилләре, шулай ук Зәй җирле бүлеге җитәкчесе Антон Александров катнашты.
Очрашу кысаларында алдан тавыш бирү һәм актив яшьләр хәл итәргә тиешле мәсьәләләр буенча фикер алышу булды.
«Бердәм Россиянең Яшь гвардиясе» илдә һәм республикада иң эре яшьләр берләшмәләренең берсенә әверелде.
“Сез күп меңлек армиянең энергиясен һәм эшчәнлеген координациялисез һәм иҗади юнәлешкә юнәлтәсез, махсус хәрби операция зонасына гуманитар ярдәм җыюда һәм җибәрүдә катнашасыз, яшьләрне иҗтимагый әһәмиятле проблемаларны хәл итүгә җәлеп итәсез. Һәм һәрвакытта да актуаль булганча, сез гражданнарны патриотик рухта тәрбияләүгә зур өлеш кертәсез. Республика парламенты илдә беренчеләрдән булып Татарстан Республикасында гражданнарны патриотик тәрбияләү турында аерым төп закон кабул итте”, – диде чыгышында Фәрит Мөхәммәтшин.
Очрашуда ТР яшьләр эшләре буенча министр Ринат Садыйков, «Бердәм Россия» Бөтенроссия сәяси партиясенең Татарстан төбәк бүлеге башкарма комитеты җитәкчесе Марат Сәмигуллин катнашты.