Торак-коммуналь хезмәтләр өчен түләүләрдә үзгәрешләр

Бу үзгәрешләр процессны унификацияләргә һәм аны илнең барлык халкы өчен үтә күренмәле итәргә тиеш.

Төп яңалык – торак-коммуналь хезмәтләр өчен түләүгә бердәм соңгы срокны билгеләү. Хәзер узган ай өчен түләүләрне айның 15 числосына кадәр түләргә кирәк булачак. Бу түләү өчен элеккеге сроклар белән чагыштырганда 5 көнгә күбрәк вакыт барлыкка килүен аңлата. Мәсәлән, мартта кулланылган хезмәтләр өчен 15 апрельгә кадәр түләргә кирәк булачак.
Шунысын да билгеләп үтәргә кирәк, бу срок конкрет  билгеләнгән һәм күпфатирлы йорт белән идарә итү шартнамәсе белән дә, яшәүчеләрнең гомуми җыелышы карары белән дә үзгәртелергә мөмкин түгел. Идарәче компанияләр башка үз түләү вакытларын билгели алмаячак.

Тагын бер үзгәреш түләү документларын китерү срокларына кагыла. Хәзер идарәче компанияләр квитанцияләрне һәр айның 5 нче числосына кадәр җиткерергә тиеш. Бу счетлар белән танышу һәм вакытында түләү өчен күбрәк вакыт бирәчәк.

Кабул ителгән закон шулай ук торак-коммуналь хуҗалыкның дәүләт мәгълүмат системасында (ТКХ ГИС) урнаштырыла торган мәгълүмат төрләренә төгәллекләр кертә. Хәзер системада торак  һәм коммуналь хезмәтләр өчен түләү буенча бурычларны түләтү буенча башкарма производстволар турында мәгълүмат булачак. Бу бурычларны түләтү процессын үтәкүренмәлерәк итәчәк һәм яшәүчеләргә үзләренең финанс хәлләре турында хәбәрдар булырга мөмкинлек бирәчәк.