Татарстан журналистлары #МойГеройМояСемья онлайн-флешмобын оештырды

Моның өчен катнашучыларга ВКонтакте социаль челтәрендәге битләрендә Бөек Ватан сугышында катнашкан гаилә геройларының батырлыклары тарихлары турында сөйләргә, аларның фотосурәтләрен урнаштырырга кирәк. Бу флешмоб «Үлемсез полк онлайн» акциясенең дәвамы булачак.
Бөек Ватан сугышы чорындагы геройлар турындагы аеруча кызыклы язмалар, уникаль фактлар Җиңү көне алдыннан Татарстан массакүләм мәгълүмат чаралары битләрендә басылып чыгачак.
Моның өчен сезгә героегызның язмасын урнаштырырга һәм #мойгероймоясемья хэштегын куярга кирәк.