Татарстанда М7 трассасында йөк машиналары өчен чикләү кертелә
Татарстанда М7 трассасының 1032 нче чакрымында, Тойма елгасы аша узучы күпердә зур йөк транспорты өчен вакытлыча чикләүләр кертеләчәк.
Бу хакта «Волго-Вятскуправтодор» федераль учреждениесендә хәбәр иттеләр.
Чикләүләр 2026 елның 17 мартыннан гамәлгә керә.
Белгечләр мәгълүматларына караганда, массасы 20 тоннадан артык булган транспорт чаралары өчен әлеге күпер аша хәрәкәт тыелачак.
Бу чаралар күпер корылмасының иминлеген һәм сакланышын тәэмин итү максатыннан кертелә.
Юл хезмәтләре машина йөртүчеләрдән юл билгеләренә игътибар итәргә һәм маршрутларын алдан ук планлаштырырга сорый.
Билгеле булганча, Татарстанда «Эффектив транспорт системасы» илкүләм проекты гамәлгә ашырыла.
Чыганак: Шәһри Казан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев