Татарстанда язгы авыл хуҗалыгы ярминкәләре 18 мартта ачылачак

Бу хакта республика авыл хуҗалыгы һәм азык-төлек министры Марат Җаббаров Татарстан кулланучылар берлегенең йомгаклау җыелышында хәбәр итте.

Авыл хуҗалыгы ярминкәләрендә катнашучыларның ягулык-майлау материаллары сатып алуга чыгымнары капланды. Моның өчен 2019-2022 елларда Татарстан бюджетыннан 38 млн. сум бүлеп бирелгән, дип билгеләп үтте Җаббаров.

"Товар җитештерүчеләргә бушлай сәүдә урыннары бирү һәм транспорт чыгымнарының бер өлешен компенсацияләү нәтиҗәсендә авыл хуҗалыгы продукциясе бәяләр үзгәрү динамикасын исәпкә алып халыкка сатылды», – дип ассызыклады министр.

Аерым алганда, ярминкәләрдә яшелчә продукциясе 25-47 процентка, он – 35 процентка, тавык йомыркалары – 22 процентка, сөт – 20 процентка, ит продукциясе – 7-50 процентка арзанрак.

"Шәһәр ярминкәләрен үткәрүдә кооператорлар да актив катнашты, бу азык-төлеккә бәяләр артуны тоткарларга һәм республика халкын авыл хуҗалыгы продукциясе һәм көндәлек азык-төлек товарлары белән тәэмин итәргә мөмкинлек бирде", - дип нәтиҗә ясады Җәббаров.

Фото редакция архивыннан