Татарстанда 460 миллион сумга юлларны яңартачаклар
Татарстанда юлларны ремонтлауга 461,1 миллион сум акча юнәлдереләчәк. Тиешле тендерлар турында мәгълүмат Дәүләт сатып алулары порталында урнаштырылган.
Контрактларның берсе нигезендә, «Зәй – Бохарай» юлын капиталь ремонтлауга 197,1 миллион сум каралган. Әлеге акчага 3 чакрым озынлыктагы участокны яңарту ниятләнә. Эшләрне 2027 елның 22 октябренә кадәр төгәлләргә тиешләр.
Югары Ослан районында 7,5 чакрым озынлыктагы берничә юл участогын ремонтлауга тагын 214 миллион сум акча бүлеп бирелгән. Бу эшләрне агымдагы елның октябрендә тәмамларга ниятлиләр.
Яшел Үзән районында да өстәмә ремонт эшләре башкарылачак. Монда гомуми озынлыгы 4,8 чакрым тәшкил иткән юлларны яңартачаклар, моңа 50 миллион сум каралган. Эшләрне шулай ук 2026 елның октябренә төгәлләнәчәк.
Юлларны ремонтлау «Яшәү өчен инфраструктура» илкүләм проекты максатларына туры килә.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев