Укучыларны фәнни-популяр видео конкурсында катнашырга чакыралар

. Анда катнашучылар бөтен Россиядән үзләрен фәнни-популяр блогерлар ролендә сынап карый һәм белем бирү курсларына, техникага һәм сәфәрләргә сертификатлар, шулай ук мәктәпләр өчен яңа җиһазлар ота алачак.

Конкурска I-XI сыйныф укучылары да кушыла ала. Моның өчен фәнни популяр видео яздырырга һәм аны сайтта nauka.homo-science.ru. урнаштырырга  кирәк. Өч минуттан артык булмаган видео фәнни теория, концепция яки күренешне һәм кызыклы формада аңлатылырга тиеш.

Видео кабул итү тәмамланганнан соң, катнашучылар бер-берсенең эшләрен өч критерий буенча бәяләргә тиеш: видеоның аңлаешлылыгы, мавыктыргыч булуы һәм теманы яктырту тирәнлеге. Иң югары бәяләнгән видеороликлар конкурсның эксперт советы әгъзаларына тәкъдим ителәчәк, анда фәнни җәмгыять вәкилләре – яшь галимнәр, тикшерүчеләр һәм студентлар керә.

Экспертлар төрле яшь категорияләрендә һәм фәннең төрле тармакларына багышланган конкурсның тематик номинацияләрендә («табигый фән», «мәгълүмати технологияләр һәм төгәл фәннәр», «галәмдәге кеше урыны», «иҗтимагый һәм гуманитар фәннәр», «киләчәк фәннәре») җиңүчеләрне сайлап алачаклар.

"Бу конкурс балаларга һәм яшүсмерләргә фәнни эшчәнлек белән танышырга, аның төрле юнәлешләренә керү мөмкинлеге бирә һәм тирә-юньдәгеләр белән белемнәрен уртаклашырга ярдәм итә, дип саный «Милли приоритетлар» коммерцияле булмаган автоном оешмасы генераль директоры София Малявина. - Конкурста катнашучылар өчен шундый шартлар тудырылган, аларда һәрберсе шәхси мәнфәгатьләргә таянып үз талантларын күрсәтә, укытучылардан һәм остазлардан профессиональ ярдәм ала ала».

Балалардан тыш, махсус призларны финалист укытучы-остазлар алачак, ә җиңүчеләрнең мәктәпләре махсус заманча җиһазлар белән җиһазландырылачак.