Татарстан Мәгариф һәм фән министрлыгында яңа беренче урынбасары билгеләнде

Татарстан Министрлар Кабинеты Рәмис Мөҗиповны республика мәгариф һәм фән министрының беренче урынбасары итеп билгеләде. Тиешле боерыкны премьер-министр Алексей Песошин имзалады.

Мөҗипов бу постта Андрей Поминовны алыштырды, ул 18 ел диярлек беренче урынбасары вазыйфасын биләгән. 20 октябрьдә КФУ ректоры Ленар Сафин коллективка Поминовны Физика институты директоры вазыйфаларын башкаручы буларак тәкъдим итте.

Элегрәк Мөҗипов ТР Мәгариф һәм фән министрлыгының Мәгариф өлкәсендә күзәтчелек һәм контроль департаменты җитәкчесе урынбасары иде.

Татарстанда «ЕГЭ буенча башлык» буларак танылган яңа беренче урынбасар  мәгариф өлкәсендә күзәтчелек һәм контроль департаментын җитәкләгән. 36 яшьлек  Рамис Мөҗипов – һөнәре буенча юрист һәм министрлык структурасында 2017 елдан бирле эшли.

чыганак: Бизнес-онлайн https://www.business-gazeta.ru/