Сабыйларга – Тукай турында

«Алдынгылар хәрәкәте» проекты кысаларында «Якты коңгыз» балалар бакчасында да мәктәпкә әзерлек төркеме балалары катнашында «Тукай безнең йөрәкләрдә» дигән темага әдәби кичә узды.

Балалар Тукайның тормыш юлы, иҗаты белән таныштылар, шигырьләрен сөйләделәр, әкиятләрен сәхнәләштерделәр. Татар халык уеннары уйнадылар. Кичә Габдулла Тукай сүзләренә язылган «Туган тел» җыры белән тәмамланды. Әдәби кичә бик күңелле һәм эчтәлекле узды. Балалар күңелендә онытылмас истәлекләр калдырды.

фотолар балалар бакчасыннан