Сабантуй-2025: авылларда Сабантуй кайчан уза?
Зәй районында Сабантуйны авыл җирлекләрендә үткәрү даталары белән таныштырабыз.
Сабантуй бәйрәме шәһәр-районда 7 һәм 8 июньдә узачак. Төрле торак пунктларда бәйрәмнең башлану вакыты төрлечә билгеләнгән.
Гүлкин авылында Сабантуй 7 июньдә уза. Бәйрәм көндезге сәгать 2дә башлана.
Бу көнне үк Бүре-Киртә, Бохарай, Түбән Лоҗы, Кадер һәм Чыбыклы авылларында да милли бәйрәмебез үтә. Алар көндезге сәгать 3тә башланачак. Ә Карман һәм Кәрәкәс авылларында (Бигеш авыл җирлеге) бәйрәм кичке сәгать 4кә билгеләнгән.
8 июньдә Сабантуй районның зур өлешен колачлый. Көндезге сәгать 10да тантана Аксар, Александр Бистәсе, Сарсаз-Баграж, Бигеш, Югары Мәлем, Югары Пәнәче, Югары Шепкә, Дүрт-Мунча, Әхмәт, Шыкмай, Сәрәпәле, Сәвәләй, Сармашбаш, Якты Күл, Иске Маврин, Төги һәм Урсай авылларында старт ала.
Поповка һәм Яңа Спаста бәйрәм соңрак 11дә башлана.
Исегезгә төшерәбез, Зәйдә Сабантуй 7 июньдә узачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев