Роспотребнадзор белгечләре: Продукция куркынычсызлыгы проблемасы яңа масштабка иреште

“Әлеге теманың актуальлеге онлайн-сәүдәнең, цифрлы базарның глобаль үсеше белән бәйле, шуңа күрә продукция куркынычсызлыгы проблемасы яңа масштабка иреште. Чөнки куркынычсыз булмаган товарларның нәтиҗәләре – сатып алуда күңел төшенкелеге генә түгел, ә сатып алучыларның гомеренә, сәламәтлегенә һәм милкенә янау да: агулы буяулы балалар уенчыкларыннан алып янгын китереп чыгаручы электроникага кадәр”, - дип билгеләп үтә Роспотребнадзорның Татарстан Республикасы буенча идарәсенең Түбән Кама, Зәй районнары территориаль бүлеге белгечләре.

Кулланучыларның сатучыларга һәм җитештерүчеләргә ышаныч дәрәҗәсен югалтмау, киресенчә, ныгыту һәм уңайлы онлайн-сатып алулар ясау мөмкинлекләрен булдыру өчен, продукция әйләнешен контрольдә тотуга да, кулланучыларда файдалы күнекмәләрне үстерүгә дә игътибар итәргә кирәк.  Бу товарларның сыйфатын һәм куркынычсызлыгын билгеләү, хокуклар бозылган очракта аларны цивилизацияле рәвештә якларга өйрәнү.

Куркынычсыз һәм сыйфатлы товарлар базарын булдыруга продукциянең сыйфатын һәм куркынычсызлыгын тәэмин итү һәм аның әйләнеше өлкәсендә контрольдә тотуның яңа цифрлы инструментлары зур дәрәҗәдә ярдәм итә. Цифрлы маркировка кертелгәннән соң әйләнештә легаль теркәлгән продукция күләме сизелерлек арткан гына түгел, ә кулланучыдан сыйфатсыз, легаль булмаган яки куркыныч товар сатып алудан яклау да барлыкка килгән. 

Куркынычсызлыкка хокук - ул пассив гарантия түгел, ә законлы хокукларны якларга мөмкинлек бирә торган актив позиция.

Мәгълүмат таләп итегез. Сезнең товар турында барысын да белергә хакыгыз бар: составы, яраклылык вакыты, куркынычсыз файдалану шартлары, җитештерүченең контактлары. Рус телендә маркировка булмау – бу инде хәвефле сигнал.

Сатып алыр алдыннан товарны тикшерегез.

Онлайн-сатып алуларда игътибарлы булыгыз. Танылган брендларга шикле түбән бәяләргә шикләнеп карагыз. Сатучының абруен, юридик адресын һәм кире кайту шартларын тикшерегез.

“Өстәмә рәвештә кулланучы хокукларын яклау өлкәсендәге дәүләт мәгълүмат ресурсы (ГИР ЗПП) эше турында хәбәр итәбез. Ул Роспотребнадзор сайтында (zpp.rospotrebnadzor.ru) урнашкан. Анда сез искәртмәләр, укыту видеороликлары, дәгъва һәм дәгъва гаризалары үрнәкләре, шулай ук кулланучы хокукларын яклау буенча норматив база, халыкара һәм төбәк хокукый актлары, Роспотребнадзорның кулланучы хокукларын яклау өлкәсендәге суд практикасы турындагы мәгълүматлар белән таныша аласыз”, - ди белгечләр.

Сайт: https://zpp.rospotrebnadzor.ru/

фото: Роспотребнадзорның Татарстан  буенча идарәсенең Түбән Кама, Зәй районнары территориаль бүлегеннән