Роспотребнадзор: әгәр кәрәзле элемтә операторы мәҗбүри хезмәтләр өчен түләүне таләп итсә, нәрсә эшләргә

Әлеге закон нигезендә кәрәзле элемтә операторы сезнең ризалыгыгызны алмыйча, өстәмә түләүле хезмәтләр күрсәтергә хокуклы түгел. Абонент мондый хезмәтләр өчен түләүдән баш тарта ала, ә хезмәтләр өчен түләнгән булса, акчаны кире кайтаруны таләп итәргә була. Моннан тыш, элемтә хезмәтләренә тарифлар үзгәрүе турында элемтә операторы сезгә, шул исәптән үзенең интернет-сайты аша, яңа тарифлар кертелүгә 10 көн кала хәбәр итәргә тиеш.

Әгәр дә элемтә операторы өстәмә хезмәтләрне сезнең рөхсәттән башка тоташтырса һәм аларны түләүне таләп итсә, сез моңа дәгъва белдерә аласыз. Элемтә операторыннан счетыгызны детальләштерүне сорагыз. Сез элемтә операторыннан бәхәсле чорда күрсәтелгән элемтә хезмәтләре турында өстәмә мәгълүмат алырга хокуклы. Кагыйдә буларак, исәп-хисапны детальләштерү турында сорау оператор формасы буенча төзелә.

Дәгъва языгыз һәм кирәкле документлар әзерләгез. Сез үз хокукларыгызны административ һәм суд тәртибендә яклый аласыз. Әмма судка мөрәҗәгать иткәнче, сезгә элемтә операторына дәгъва белдерергә кирәк. Дәгъвага элемтә хезмәтләре күрсәтүгә һәм счетны детальләштерүгә килешү күчермәсен кушыгыз. Дәгъваны операторга җиткерегез. Дәгъваны элемтә операторына сез бәхәсләшкән өстәмә хезмәтләр өчен исәп-хисап куелган көннән алып алты айдан да соңга калмыйча тапшырырга яки җибәрергә кирәк. Дәгъваны шәхси тапшырганда элемтә операторы вәкиленнән дәгъваны алу датасын, үз вазифаларын яки элемтә операторына мөнәсәбәтен күрсәтеп, аны кабул итү турында дәгъва экземплярына билге, шулай ук үз имзасын куюны сорагыз. Әгәр дә дәгъва почта аша җибәрелсә, аны алуда дәлил булып, элемтә операторы дәгъва алганнан соң җибәреләчәк почта хәбәре булачак.

Элемтә операторы сезнең мөрәҗәгатегезне карамаса яки таләпләрегезне канәгатьләндермәсә, сез Роспотребнадзорның территориаль органына гариза (шикаять) белән мөрәҗәгать итәргә хокуклы.