Районыбыз кешеләрен тырыш хезмәт бизи
Зәйдә район Советы утырышы “Энергетик” Мәдәният сараенда эре җитештерү предприятиеләре һәм авыл хуҗалыгы оешмалары эшчәнлеген чагылдырган тирән эчтәлекле күргәзмәне караудан башланды.
Биредә заманча таләпләр буенча җитештерелүче продукцияләрне, предприятиеләрдә хезмәт гөрелтесе барышын экраннар аша карап хозурланырга да мөмкин булды.
- Зәй предприятиләре һәм оешмалары тарафыннан 11 ай эчендә 39,5 млрд сумлык товар җитештерелеп сатылды. Инвестицияләр суммасы ел башыннан октябрьгә кадәр 18 процентка артып, 4,1 млрд сумга җитте, - диде күргәзмә белән танышу вакытында район башлыгы Разиф Кәримов. Һәр предприятиенең эш процессы белән оешмаларның җитәкчеләре таныштырды.
Ә мәдәният сараеның зур залында утырыш район башлыгы Разиф Кәримовның үткән ел нәтиҗәләре, 2023 елга планнарга багышланган чыгышы белән башланды.
Автор фотолары
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев