Оборона министрлыгына караган уку йортлары яшьләрне көтә

Хәрби юнәлештәге уку йортларына керү өчен нинди таләпләр куела, бу хакта түбәндә хәбәр итәбез:

Иң беренче чиратта сәламәтлеге буенча тайпылышлар булмау шарт.

• Армиядә хезмәт итмәгән 16-22 яшьлек РФ гражданнар;
• 24 яшькә кадәр — чакырылыш буенча хезмәт итүчеләр;
• 27 яшькә кадәр — контракт буенча хәрби хезмәткәрләр.

Урта һөнәри белем алу  өчен  яшь чикләве 30 га кадәр. 

Шунысы мөһим: югары белемле кандидатлар каралмый.

Укырга керү өчен нинди документлар әзерләргә кирәк?

 Документлар пакеты стандарт, ләкин игътибар белән рәсмиләштерү таләп ителә:

• Гариза (хәрби хезмәткәрләр өчен — рапорт);
• паспорт һәм туу турында таныклык күчермәләре;
• автобиография;.
• уку, эш яки хезмәт урыныннан характеристика;
• аттестат яки диплом (урта гомуми яки урта һөнәри белем  турында);
• медицина тикшерүе үтү белешмәсн;
• БДИ нәтиҗәләре (югары уку йортлары өчен) яисә аттестатның уртача баллы турындагы белешмә (урта һөнәри белемлеләр өчен);
• өстәмә документлар (бүләкләр, спорт казанышлары һ.б.).

 Сайлап алу ничек уза?

 Һөнәри сайлап алу берничә этаптан тора:

1. медкомиссия сәламәтлек буенча яраклылыкны билгели;
2. психологик сайлап алу-һөнәри яраклылыкны бәяли;
3. физик әзерлек — 100 м һәм 3 км га йөгерү, тартылу,  минимум өч күнегүдә 120 балл җыярга кирәк;
4. БДИ нәтиҗәләре (2021-2025 еллар) яки эчке имтиханнар (аерым категорияләр өчен) исәпкә алына.

Өстәмә балларны түбәндәгеләр бирә:

* Гел бишлеләр белән аттестат (+10 балл);
• спортта  исемнәр (+10 баллга кадәр);
• Олимпиадаларда катнашу, волонтерлык, ГТО билгесе һ. б.

  Алдан белергә тиешле чикләүләр

• Тәндә татуировкаларның булуы проблема булырга мөмкин, алдан бетерү яхшырак;
• социаль челтәрләрдә активлык — армия белән бәйле язмалар хупланмый;
•  гаджетлар куллануда  хәрби югары уку йортларында чикләүләр гамәлдә.
 Барлык рәсми мәгълүмат РФ Оборона министрлыгы сайтында (www. mil. ru) урнаштырылган.

Автор фотосы