Мирный бистәсендә Җиңү көне уңаеннан концерт куйдылар

Барлык сәнгать номерлары — миниатюралар, җырлар, шигырьләр һәм биюләр Бөек Ватан сугышы ветераннары, тол хатыннар, тыл хезмәтчәннәре һәм сугыш балалары истәлегенә багышланган иде. Концертта «Ивушка», «Гармония» халык җыры вокаль ансамбльләре, «Конфетти» хореография коллективы, Резидә Ченцова, Фәннур Миннекәев, нәфис сүз осталары Маргарита Демидова, Любовь Мөбарәкшина, шулай ук «Адымнар» татар мәдәнияте клубы чыгыш ясады. Илебез иминлеге өчен көрәшүчеләр бер минут тынлык белән искә алынды.

«Без һәрвакыт халкыбызның батырлыгын истә тотачакбыз, җиңүчеләр буыны варислары булуыбыз белән чын күңелдән горурланабыз. Безнең бурыч — Җиңүнең нинди бәягә яуланганын аңлау, Ватан азатлыгы өчен башын салганнарны онытмау, арабызда яшәүче ветераннар турында кайгырту», — ди мәдәният хезмәткәрләре.

Фотолар мәдәният йортыннан.