Мирный бистәсендә балалар өчен тарих сәгате оештырылды

Чарада катнашучыларны Бөек Ватан сугышында Сталинградны фашист илбасарларыннан азат итү вакыйгалары белән таныштырдылар. 

«Бөек Ватан сугышының иң бөек битләренең берсен — Сталинград өчен сугышны искә төшердек. Алып баручы чыгышында әлеге истәлекле датага аерым игътибар бирде һәм катнашучыларга Сталинградны саклаучыларның каһарманлыгы турында сөйләде. Балалар һәм яшүсмерләр Сталинград сугышында немец-фашист гаскәрләренең тар-мар ителүе, дөньяны батырларча фашизмнан саклаган Ватаныбыз геройлары турында белделәр», — ди мәдәният хезмәткәрләре.

Хәзерге укучылар — булачак гражданнар үз тарихларын белергә һәм истә тотарга, хәтерне хөрмәт итәргә тиеш. Чара тематик презентация белән үрелеп барды.

Фото мәдәният йортыннан.