Мирный бистәсе паркында әдәплелек турниры узды

Чарада катнашучылар үткәннең бөек фикер ияләренең яхшылык турында нәрсә әйтеп калдыруларын белделәр. Сократ, Платон һәм Аристотель фикерләре яхшылык һәм бәхет белән бәйләнгән, ә Конфуций  кешелеклелеккә басым ясаган. Алар яхшылык - иң югары бәхет һәм кеше бәхетенең нигезе дип раслыйлар. 

Бу хакта балалар һәм яшүсмерләргә Мирный шәһәр мәдәният йорты хезмәткәрләре сөйләде.

“Балалар яхшылык һәм дөнья турындагы мәкальләрне һәм әйтемнәрне искә төшерделәр, табышмакларга җаваплар таптылар, сорауларга җавап бирделәр, «Тылсымлы сүзләр», «Әдәпле-әдәпсез», «Игелекле син», «Без төрле», «Бу дөнья нинди матур!" һәм коллективны берләштерүгә, үзара ярдәмләшүгә һәм дустанә мөнәсәбәтләргә юнәлдерелгән конкурс биремнәрендә катнаштылар”, - ди мәдәният хезмәткәрләре.

Фото мәдәният йортыннан.