Машина төзүчеләр көненә көзге тимбилдинг
Зәйдәге “Аккурайд уилз Руссиа” заводы коллективында машина төзүчеләр көнен саф һавада, табигатьнең матур почмагында көзге слет-тимбилдинг белән билгеләп үтү күркәм традициягә әверелде. Быел да районыбыз машина төзүчеләре әлеге традициягә тугры калды.
Программада флешмоб, күңелле команда эстафеталары һәм заводның слесарь-ремонтчысы Алексей Тихоновтан кулинар мастер-класс та булды. Соңгысы аеруча кызыклы иде, Алексей һәм аның командасы бик тәмле ризык әзерләделәр.
"Слетта катнашучылар мавыктыргыч ярышларда үзләренең җитезлекләрен һәм команда рухын күрсәттеләр һәм бик күп уңай хис-кичерешләр алдылар. Әлеге чара – үз хезмәттәшләреңне формаль булмаган шартларда яхшырак белү һәм табигатьтә вакытны яхшы уздыру өчен менә дигән мөмкинлек”, – дип уртаклашты персоналны сайлау һәм үстерү буенча әйдәп баручы белгеч Наталья Федина.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев