Ламинатор белән танышу
Шәһәрнең «Радость» халыкка социаль хезмәт күрсәтү комплекслы үзәге базасында көндезге бүлектә хезмәтләр алучылар «Типография» инклюзив остаханәсе» программасын гамәлгә ашыру кысаларында чираттагы дәресне алдылар.
Бу юлы алар ламинатор белән таныштылар.
Дәрестә катнашучылар ламинатор җайланмасы, билгеләнеше, куркынычсызлык техникасы һәм төп принциплары турында белделәр. Бүлек белгечләре аңлатканча, ламинатор документларны дым, тузан һәм механик зарарланулардан саклый торган махсус пленка белән каплау өчен кулланыла.
Дәреснең практик өлеше вакытында бүлектә тәрбияләнүчеләр пленканы ламинаторга кертергә, документны яки карточкаларны дөрес урнаштырырга һәм җайланманы кабызырга өйрәнделәр.
Эш тәмамланганнан соң хезмәт алучылар үз эшенең сыйфатын тикшерделәр. Алар пленка белән каплануның тигез булуын, куык һәм башка дефектларның булмавын бәяләделәр.
Чара азагында ламинаторның файдасы турында нәтиҗә ясалды. Дәрестә катнашучылар эш барышында алган тәэсирләре һәм тәҗрибәләре белән уртаклаштылар.
Следите за самым важным и интересным в Telegram-каналеТатмедиа
Нет комментариев