Китапханәгә сәяхәт

3нче мәктәпнең беренче сыйныфында белем алучы сабыйлар өчен китапханә бүлекләре буенча экскурсия оештырылды. Балаларны әкият геройлары итекле песи белән тавык каршы алдылар.

Алар китаплар патшалыгында нинди геройлар яшәве, аларның тормышлары турында кызыклы мәгълүмат сөйләделәр. Малай-кызларны иң кызыксындырганы- тәҗрибәләр өстәле булды. Сабыйлар сода, лимон кислотасы һәм су ярдәмендә ясалган вулканга гаҗәпләнеп һәм сокланып карадылар. Бу көн кечкенә кунаклар хәтерендә озак сакланыр, мөгаен.