Юл хәрәкәте инспекторларының яшь ярдәмчеләре отряды «Игътибар, шофер!» лозунгы белән урамга чыкты

Алар чираттагы тапкыр машина йөртүчеләрнең игътибарын куркынычсызлык чараларын үтәүгә юнәлттеләр. «Игътибар, балалар» профилактика акциясе кысаларында балалар юл хәрәкәте кагыйдәләрен үтәү темасына шигырьләр өйрәнделәр һәм машина йөртүчеләргә кечкенә пассажирлар йөрткәндә балалар автокреслоларын куллану, тизлек режимын үтәү һәм җәяүлеләр кичүләрен узганда игътибарлырак булу кирәклеге турында белешмәләр таратты.
Юл хәрәкәтендә катнашучы балаларның мондый мөрәҗәгатьләре машина йөртүчеләрне битараф калдырмады, алар мәктәпкәчә яшьтәге балаларга мондый актив позицияләре өчен рәхмәт белдерделәр һәм балаларга һәрвакыт юл кагыйдәләрен үтәргә вәгъдә иттеләр.

Фотолар ЮХИДИ идарәсеннән