Искетәкмәклеләр хәрби зонага җибәрү өчен 800дән артык окоп шәме ясаган

Авылда еш «Окоп шәме» акциясе үткәрелә. 

-Без мәдәният йортына җыелып хәрбиләр өчен блиндаж шәмнәрен ясыйбыз. Мондый шәм, 15-30 минутка җитә торган газ баллоныннан аермалы буларак, 4 сәгатьтән 8 сәгатькә кадәр яна. Шәмнәр белән блиндажны җылытырга, әйберләрне киптерергә һәм кыр шартларында ашарга әзерләргә мөмкин. Шәм ясау өчен парафинны авылдашлардан җыелган акчага сатып алабыз, — ди китапханәче Валентина Киселева.

Искетәкмәклеләр махсус хәрби операция зонасына җибәрү өчен 800дән артык окоп шәме ясаганнар инде. 

«Бу патриотик эштә актив катнашучыларның, акчалата һәм шәмнәр ясауда ярдәм итүчеләрнең барысына да рәхмәт», — ди Валентина ханым. 

Фотолар мәдәният йортыннан.