Иске Зәйдә маскировка челтәрләре үрүчеләр эшчәнлекләренең ике еллыгы уңаеннан котлаулар кабул итте

Халыкара волонтерлар көнендә Иске Зәй яшьләр үзәгенең «Макраме» клубында «Волонтер — бу горур яңгырый» дигән котлау акциясе узды. Ватан иминлеге сагында торучы улларын, хәрбиләрне кайгыртучы игелекле йөрәкле хатын-кызлар бу уңайдан бик күп котлаулар кабул итте.

Аларны районда маскировка челтәрләре үрү башында торучы Елена Хисаметдинова, Кораллы Көчләр ветераны Валентин Атласов, хәрби зонага гуманитар ярдәм илтүче волонтер Эркин Касымов, туган як тарихын өйрәнү музее хезмәткәрләре, «Мәктәп», «Продвижение» территориаль иҗтимагый үзидарәләре рәисләре Светлана Долгова, Олеся Пукаева котлап, волонтерларга фидакарь хезмәтләре өчен рәхмәт белдереп, сәламәтлек һәм бәхет теләделәр.

фото волонтерлардан.