Иртәннән үк участокларга сайлаучылар күпләп килә

Шәһәрнең үзәк өлешен, Воздвиженка, Карамалы бистәсендә яшәүче сайлаучыларны берләштерүче бу участок һәрчак иң актив тавыш бирүчеләр белән билгеле. 
Комиссия рәисе Венера Федорова сайлау участогы ишекләре ачылуга аеруча өлкәнрәк яшьтәгеләр, сменалы эштә булучыларның күпләп килүен белдерде. 
- Беренче сайлаучыга истәлекле бүләк тә тапшырдык, гомумән, тавыш бирү закон таләпләре буенча, бәйрәм төсендә бара. Кешеләрнең бирегә килеп очрашып, хәл-әһвәл белешүләре генә дә ни тора, - ди ул.