Яңа мобиль комплекс балаларны янгын куркынычыннан качарга өйрәтә

Әлеге инновацион проект интерактив уенны һәм детальле методик киңәшләрне берләштерә. Комплекс «Танып белү иминлеге» социаль юнәлешле проектының бер өлеше булып тора, ул 2024 елда Татарстан Рәисе  грантларын граждан җәмгыяте үсешенә бирү конкурсында җиңү яулады.

Бөтенроссия ирекле янгын сүндерү җәмгыятенең Зәй участогы башлыгы Любовь Асташина яңа белем бирү инструментының мөһимлеген ассызыклады һәм балаларга янгын куркынычсызлыгы белән бәйле максатлар һәм проблемалар турында  сөйләде. Ул билгеләп үткәнчә, проектның төп бурычы – янгыннарны булдырмау һәм ашыгыч ситуацияләрдә балаларда үз-үзләрен дөрес тоту мәсьәләләренә аңлы мөнәсәбәтне булдыру.

Алынган белемнәрне ныгыту өчен балалар арасында кызыклы викторина үткәрелде, аны «ВДПО» оешмасы рәисе урынбасары Гөлизә Хәсәнова оештырды. Чарада катнашучылар, янгын куркынычсызлыгы кагыйдәләрен яхшы белүләрен күрсәтеп, процесска актив кушылды.

Район янгын күзәтчелеге бүлегенең өлкән сорау алучысы Лилия Писарева балаларга янгын чыгуның сәбәпләрен һәм төрле куркыныч ситуацияләрдә үз-үзеңне куркынычсыз тоту кагыйдәләрен искә төшерде.

Проект гадәттән тыш хәл шартларында саклык чаралары һәм гамәлләр турында балаларның хәбәрдарлык дәрәҗәсен арттыруга юнәлдерелгән. Мобиль белем бирү комплексы ярдәмендә балалар уен формасында кирәкле белем ала алачак, ә бу укытуны кызыклы һәм нәтиҗәле итә. Шулай итеп, мобиль белем бирү комплексын тәкъдим итү республиканың яшь буыны арасында янгын куркынычсызлыгы культурасын ныгытуга ярдәм итүче мөһим вакыйгага әверелде.

фото район янгын күзәтчелеге бүлегеннән