Яңа ел яллары кыскара
Яңа уку елында мәктәп укучыларын кышкы каникулларның бер көнгә кыскаруы көтә.
Узган уку елында балалар 31 декабрьдән 11 гыйнварга кадәр ял иткән иде. Хәзер исә яңа ел каникуллары 31 декабрьдән башланып, 10 гыйнварда тәмамланачак. Бу укучыларның дәресләргә узган елга караганда бер көнгә иртәрәк әйләнеп кайтуын аңлата.
Моңа кадәр Россия мәктәпләрендә җәйге каникулларны бер айга кыскарту турында да сөйләшүләр булган иде. Бу очракта июнь аен укуга багышларга тәкъдим иттеләр. Ләкин әлегә кадәр бу инициатива гамәлгә ашырылмады.
Хәзерге мәгълүматлар буенча, укучыларны алдагы уку елында көткән бердәнбер расланган үзгәреш — гыйнвардагы бер көнлек кыскартылган каникуллар.
Чыганак: Шәһри Казан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев