Яңа ел бәйрәмнәрендә янгын куркынычсызлыгы мөһим

Район янгын күзәтчелеге хезмәтенең өлкән сорау алучы Лилия Писарева һәм ирекле янгын сүндерү җәмгыте җитәкчесе Любовь Асташина мәдәният йорты хезмәткәрләренә һәм «Масксети» волонтерларына көнкүрештә янгын куркынычсызлыгы кагыйдәләре, янгын чыккан очракта сулыш органнарын индивидуаль саклау чараларыннан ничек файдаланырга икәнлеге турында сөйләделәр. Шулай ук төтен чыгуны күрүгә үзеңне ничек тотарга, янгын чыкканда нинди номерларга шалтыратырга кирәклеге дә искәртелде. Район күзәтчелек эшчәнлеге һәм профилактика эшләре бүлеге белгечләре пиротехник әйберләр кулланганда янгын куркынычсызлыгы чаралары турында балалар һәм өлкәннәр үтәргә тиешле иң мөһим кагыйдәләрне искә төшерделәр. Гадәттән тыш хәл вакытында өй шартларында, мәдәният йортларында, сәүдә үзәгендә, башка иҗтимагый учреждениеләрдә үз — үзеңне тоту кагыйдәләре турында сөйләделәр. 

Аңлаешлырак булсын өчен янгын сүндерү ведомстволары хезмәткәрләре практикадагы тарихлар белән уртаклаштылар — янгыннарның иң еш сәбәпләре, зыян күрүчеләр җибәргән хаталар турында сөйләделәр һәм, әлбәттә, бу хаталардан ничек котылырга кирәклеге турында киңәшләр белән уртаклаштылар. 

Шәһәр мәдәният йортының эвакуация планнары схемаларын, учреждениедән эвакуацияләү кагыйдәләрен өйрәнделәр һәм порошоклы янгын сүндергечне кулланып карадылар, янгын шлангын һәм янгын төймәсен куллану буенча практик дәресләр үткәрделәр. 
Чара азагында алган белемнәргә йомгак ясалды һәм барысына да янгын куркынычсызлыгы буенча белешмәләр тапшырылды. Янгын куркынычсызлыгы кагыйдәләрен үтәү сәламәтлекне һәм гомерне саклап калырга ярдәм итәчәк. 

Янгын куркынычсызлыгы хезмәтенә кәрәзле телефоннардан 101 номерына яисә бердәм коткару хезмәтенә — 112гә шалтыратырга кирәк.