Якташыбызның туган көне

Минзәлә районы Татар Мөшегесе авылында туып үскән, озак еллар Зәй районы Бишсубашы авылында яшәгән, бүгенге көндә Чаллы шәһәрендә гомер итүче Әгъҗибә Хатыйп кызы Гыйльманованы чын күңелдән гомер бәйрәме белән тәбрик итәбез. Алар әтиебез Разим Миңнулла улы белән без өч балага гомер биреп, олы тормыш юлына бастырдылар.

Кадерле әниебез, сине туган көнең белән котлап, корычтай нык тазалык, яхшы кәеф, исәнлек-саулык телибез.

Өйнең яме, аш-суның да тәме,
Дөнья матур тик син булганда.
Тормыш күге һәрчак аяз булыр,
Синдәй йолдыз анда янганда.
Бәхет-шатлык гел елмайсын сиңа,
Менә шушы сиңа бар теләк.
Сәламәт бул, озын-озак яшә,
Син бит әни безгә бик кирәк.

Иң изге теләкләр белән барлык балаларың, кияүләрең, оныкларың исеменнән улың Илнар, киленең Лилия.