Дүрт-Мунча мәдәният хезмәткәрләре Ватанны саклаучылар елы уңаеннан рәсемнәр күргәзмәсе оештырды
Балалар рәсемнәрендә безне яклаучы-саклаучы хәрбиләребезгә карата хөрмәтләрен күрсәттеләр.
"Ватанны саклаучы дигән һөнәр бар". 16 июльдә Дүрт-Мунча мәдәният йортында Россия Федерациясендә һәм Татарстан Республикасында Ватанны саклаучылар елы кысаларында шул исем астында рәсемнәр күргәзмәсе оештырылды.
“Чараның максаты балаларда сәнгать-иҗат сәләтләрен үстерү, ватанпәрвәрлек һәм үз илең өчен горурлык хисе тәрбияләү иде. Яшь рәссамнарның осталыгына сокландык: балалар рәсемнәрендә хәрби һөнәрләрнең, хәрби техниканың, җир өсте һәм һава транспортының төрлелеген чагылдырдылар, безне яклаучы-саклаучы хәрбиләребезгә карата хөрмәтләрен күрсәттеләр”, - ди авыл мәдәният йорты хезмәткәрләре.
Күргәзмәдә урын алган эшләр барысы да якты, күңелгә үтеп керә һәм иҗади, алардан җылылык, мәхәббәт һәм ихласлык бөркелә.
Фотолар мәдәният йортыннан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев