Дөньякүләм танылган чаңгычылар Зәйнең Симашев исемендәге спорт мәктәбендә булды

Очрашуда шулай ук Россия чаңгы ярышлары федерациясе президиумы әгъзасы, тренер Эдуард Галеев катнашты.

Христина – тумышы белән Магаданнан. Ул күп балалы гаиләдә туып үскән. Христина Мацокинаны бөек чаңгычы Елена Вяльбе варисы дип йөртәләр. Алар икесе дә Магаданнан, шулай ук нәтиҗәгә омтылу һәм ахырга кадәр көрәшергә әзер булу охшашлыгы да бар аларда.

Полина Лобастова - Киров өлкәсеннән. 6-7 яшьтә чаңгы спорты белән шөгыльләнә башлаган. 
Христина белән Полина  кечкенә чаңгычылар кызыксынган  сорауларга җавап бирделәр. Очрашу җанлы, күңелле узды. 

Дөньякүләм танылган чаңгычылар белән очрашу алар күңелендә озак сакланачак. Очрашу ахырында спортсменнар балаларга үзләренең кул тамгасы белән открыткалар бүләк иттеләр,

бергәләп фотога төштеләр. Кечкенә чаңгычылаар исә, алардан калышмаска, спорт белән, чаңгы белән шөгыльләнергә сүз бирде.

Автор фотолары